Nahiz eta hasiera batean jokalari faltarengatik taldea arriskuan zegoen, azkenean Menditarrak BRT errugbi taldeak nahiko jokalari bildu ditu. Ondorioz, senior eta sub-18ko (2004-2005) taldeek aurre-denboraldiari ekin diote Iñaki Ezkurra entrenatzailearen eskutik.
Taldeak jokalari berriei gonbidapena ere egin die. Errugbia probatu nahi izanez gero, asteazken edo ortziraletan 20:00etan Lekarozko errugbi zelaira agertu edo 638 44 55 13 telefono zenbakira deitu behar dute (Ander). «Errugbian aritzen ikastea eta jokalarien arteko giro ona bermatuta dago, beraz ez izan lotsarik errugbiaz gozatzeko. Anima zaitez… Aupa BRT», dio errugbi taldearen oharrak.