Baztango Udalak diruz lagunduko ditu 2020ko irailaren 1etik 2021eko abuztuaren 31ra bitarteko ikastaroen matrikula gastuak, «euskararen gizarte ezagutza handitzeko eta erabilera sustatzeko». Dirulaguntza jasotzeko, hauek dira bete beharreko baldintzak:
- 16 urte baino gehiago izatea
- Baztanen erroldatuta egotea urtebeteko antzinatasunez
- Zergen ordainketa eta Gizarte Segurantzarekiko betebeharrak egunean izatea eta Udalarekin ordaindu gabeko zorrik ez izatea
- 2020/21 ikasturtean euskaltegiren batean matrikulatua egotea eta matrikula ordainduta izatea
- Ikastaroaren guttieneko %80ko asistentzia egiaztaturik izatea. Autoikaskuntza programetakoek ere aprobetxamendu-egiaztagiria aurkeztu beharko dute
- Nafarroako Gobernuak euskara ikasteko dirulaguntza deialdia aterako balu, hura ere eskatzea
Dirulaguntza gehienez 420 euroko izanen da onuradun bakoitzeko. Egin klik hemen oinarri guztiak ikusteko eta eskabide-orria betetzeko. Urriaren 1a izanen da eskaera egiteko azken eguna, 14:00ak arte.