Marijo Maiora iruritarrak La Indurain martxako bigarren postua lortu du

La Indurain bizikleta martxa egin zuten larunbatean Nafarroako mendietan, maldaz betetako 180 kilometroko ibilbidea. Emakumezkoetan bigarren postua lortu du Marijo Maiorak eta Artesiagako tartea azkarren egin duen emakumea izan da.

Asteburuan egindako lasterketan David Lopez (05:24) eta Pilar Mancilla (06:14) txirrindulariek lortu zituzten denbora hoberenak ibilbide osoan. Hala ere, Artesiagako tartean, gogorrena izanda, parte-hartzaileen denborak hartu zituzten, eta Marijo Maiora izan zen emakume azkarrena. 15 kilometro eta 762 metroko desnibela daukan bidea 48:43ko denboran egin zuen iruritarrak. Harekin batera, Josep Arnau izan zen azkarren egin zuen gizona, 34:39ko denborarekin, eta zeramikazko sari bana eraman zituzten etxera. Zorionak!

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun