Miguel Iparragirre akordeoilaria omendu du Baztandarren Biltzarra elkarteak

Ttipi-Ttapa 2021ko uzt. 19a, 09:00

Atzo herriz herri ibili ziren Baztango musikariak Baztandarren Biltzarraren seinalea egiteko. Zigan izan zen Iparragirre hainbat ikaslerekin akordeoia jotzen.

«Baztandar aunitzi sartutako akordeoiarekiko maitasun eta grinarengatik eta erakutsitako kantuengatik» omendu zuten atzo Zigan Miguel Iparragirre Baztandarren Biltzarrako antolatzaileek. Urtero omentzen dute pertsona edo elkarteren bat eta aurten erretiroa hartu berri duen akordeoilariaren txanda izan da. «Momentu polita izan zen, bai Iparragirreri egindako aitortzarengatik, baita Baztandarren Biltzarraren grina detaile ttikiekin mantendu izanagatik ere».

Zigako herritarrek eskerrak eman dizkiote elkarteari «omenaldi xume horretan presente izateko aukera emateagatik eta urte zail hauetan esku eta buru guttikin besta hau mantentzeagatik». Zorionak Miguel Iparragirreri eta Baztandarren Biltzarreko elkarteari!

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun