«Neska gazteok saretuz, zisheteropatriarkatua akatu» lemapean antolatuko dituzte ortziralean jarduerak. Goizean hasita, 11:00tan Kaleak sormen eta feminismoz bete tailer ez-mixtoa izanen dute eta 12:00etan triki poteoa Elizondoko ostatuetan barrena. Eguerdian bazkari ez-mixtoa eginen dute, paellada, Merkatuko plazan 14:00etan. Arratsaldean bertso saioa izanen da Intza ostatuan Alazne Untxalo eta Maddi Ane Txoperenaren eskutik, 17:00etan.
Bazkarian parte hartzeko, @baztaninarrosiz instagrameko kontura idatzita edo 608 52 08 92 telefono zenbakira idatziz eman daiteke izena. Bihar izanen da azken eguna.