Uztailaren 24tik 28ra ekitaldi kulturalak izanen dituzte Elizondon

Larunbatean, Pleura taldearen emanaldiarekin, hasiko dira ekitaldi kulturalak.

Iriarte pilotalekuan izanen dira ekitaldiak eta edukiera mugatua izateaz gain, musukoa derrigorrezkoa izanen da.

Heldu den larunbatean, uztailaren 24an, hasita, Elizondoko Herriak antolatutako kultur ekitaldiek girotuko dute Elizondo. Larunbatean, Pleuraren eta Skabidean taldeen kontzertuarekin hasiko dira emanaldiak, 17:30ean izanen da eta 19:15ean izanen dira hurrenez hurren.

Biharamunean, uztailaren 25ean, bertso saioa izanen dute 17:00etan eta Los Tenampas mariatxiek girotuko dute pilotalekua 19:30etik goiti. Astelehenean, uztailaren 26an, Tor magoaren kontzertua izanen da eguerdian eta ilunabarrean, 19:00etan, Trikidantzen musika izanen da.

Uztailaren 27an, 16:30ean, Ameliren ipuin-kontaketaren ondotik, Madame birrots eta Lau haizetara taldeek girotuko dituzte bazterrak. Ekitaldiak borobiltzeko, uztailaren 28an Elizondoko Banda Recreoren kontzertua izanen da 19:00etan.

Txartelak

Txartelak jasotzeko azken egunak uztailaren 16a eta 17a izanen dira eta doan emanen dituzte. Sarrerak ortziralean 18:30etik 20:00etara eta larunbatean 11:30etik 13:30era eskuratu ahal izanen dira herriko etxean. Pertsona bakoitzak gehienez lau txartel eskuratu ahal izanen ditu.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun