EuskarAbentura

Lekarozera ailegatuko da Euskarabentura uztailaren 6an

Ttipi-Ttapa 2021ko uzt. 1a, 10:00

16 eta 17 urte bitarteko 120 gaztek parte hartuko dute aurten ekimenean, koronabirusarengatik kanpaldi formatua hartuko duena.

Gaur hasiko da EuskarAbenturaren 2021eko edizioa. Aurtengoa ez da ibiltaria izanen, baina gazteek aunitz izanen dute ikusi eta ikasteko. Bi txandatan banatuko dute kanpaldia, lehenbizikoa uztailaren 1etik 11ra izanen da, Zokoan (Lapurdi) hasiko da eta 6an Lekarozera ailegatuko da. Bigarrena uztailaren 16tik 25era izanen da, Bidania-Goiatzen (Gipuzkoa) eta Aulestin (Bizkaia).

Euskal kultura, historia, ondare eta geografiari buruzko edukiak landuko dituzte bertan, topaketa, solasaldi eta tailerren bitartez eta hainbat formatutan; musika, arte eszenikoa, bertsolaritza, literatura, kirola… Norbere buruaren autonomia eta erantzukizun pertsonalak garatu eta berdintasunaren, naturarekiko errespetuaren eta turismo iraunkorraren inguruko balio zibikoak ere jorratuko dituzte. Ekimenak testuinguru linguistiko, sozial, ekonomiko eta kultural desberdinetatik etorritako parte-hartzaileen arteko bizikidetza ahalbidetuko du.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun