Zuaztoin ez dago hobi septikorik, eta baserrietako isurketak errekara eta belardietara doaz. Baztango Udala estolderiaren sarea berritzen ari da, eta asmoa instalazioari konektatzea da. Instalazio ttikia izanen da, isurketa organikoak baitira, industruia-hondakinik gabe. Araztegia Zurruzteko errekaren eskuineko bazterrean eraikitzea erabaki dute eta isuritako ur garbia Baztan ibaiaren adarra den Araneko errekara joanen da.
Azpilkuetako Zuaztoi auzoan araztegi bat eta hustubideak eginen dituzte, erabat saneatutako urak husteko. NILSA enpresa publikoak, uraren arazketaren arduradunak, proiektua idatziko du. 2022ko lehen seihilekoan aurkeztuko dute. Lurralde Kohesiorako Departamentuak proiektuaren eraginpean dauden ondasun eta eskubideak okupatzea erabaki du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun