Elizondoko Herriak antolatuta, heldu den larunbatean, uztailaren 3an, Juan Miguel Gil Jaurena bihotzeko zirujaua omenduko dute Elizondoko Iriarte frontoian.
12:30ean hasiko da elizondoarraren lanari merezitako aitortza egiteko hitzordua baina jende pilaketak saihesteko ateak 12:00etan irekiko dituzte. Musukoa derrigorrezkoa izanen da eta baimendutakoaren arabera mugatuko dute kultur etxeko edukiera.
Madrilgo Gregorio Marañon ospitalean haur kardiologian egiten du lan Gilek eta berriki bihotz-gelditze bat izan duen haur baten transplantea egin zuen bere lantaldearekin batera.