Lekarozko Aroztegia proiektuaz

10 inputazio eta 25 isun jaso izana salatu du Aroztak herri-ekimenak

«Herri lurrak herrirai kentzen dabiltzan horiek, kalte material eta psikologikoak eragitea leporatu digute. Bortxaz eta inposizioz gure herria eta kultura desagerrarazi nahi duten horiek, indarkeria erabiltzea leporatu digute».

Hainbertze herritar bildu dira gaur arratsaldean Lekarozen «gure komunitateko hainbat kidek jasotako errepresioa salatzeko». Aroztak herri-ekimenak jakinarazi duenez, «manifestazio arrakastatsuaren biharamunean, Aroztegiko proiektuaren kontrako 10 ekintzaileren inputazioaren berri izan genuen. Ondoko asteetan bertze 25 lagunek jaso zituzten isun administratiboak. Guztira 20.000 euro eskatzen dizkigute isun eta kalte ordainetan».

«Isun eta salaketa masibo hau izen abizen zehatz batzuekin lotu nahi baldin badute ere, guk argi dugu herri oso baten kontrako erasoa dela. Herri gisa erasotzen gaituztenean, herri gisa erantzunen dugu». Aroztegiko proiektu urbanistikoa gelditzeko lanetan segituko dutela iragarri dute lekaroztarrek.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun