Langileek prentsa-ohar bidez jakitera eman dutenaren harira, enpresak «jarrera immobilista du negoziaziokoak diren alderdi guztietan, baita kostu ekonomikorik ez dakartenetan ere. Nabarmentzekoa den gauza bakarra da enpresak Baztango Udalak egindako bitartekaritza proposamena onartu izana, hau da, hiru aldeak, enpresa, langileak eta udala, mahai baten inguruan esertzea akordio bat lortzen saiatzeko». Hori dela eta, langileek Baztango Udalari eskatzen diote «bilera hori ahalik eta lasterren martxan jartzea». Bien bitartean, «langileok zaintza-lanak duin bihurtzeko beharra eta lan-baldintza duinak defendatzen» segituko dutela azpimarratu dute.