Lekarozko Aroztegia proiektuaz

Diru-bilketa hasi dute Aroztegiko kanpaldian isundutakoak laguntzeko

10 isun hartu zituzten joan den astean Aroztegiko proiektuaren kontrako mobilizazioetan parte hartu zuten herritarrek.

Duela hiru aste jakinarazi zuen Aroztak taldeak 10 lagunek salaketak hartu zituztela eta deklaratzera deituak izan zirela Aroztegiko proiektuko obrak geldiarazteagatik, bortxa delitua egotzita. Gainera, hainbat lagun identifikatuak izan ziren.

Orain, herritarrei 10 multa ailegatu zaie kanpaldian parte hartzeagatik, eremu pribatuan baimenik gabeko mobilizazioak antolatzeagatik. Honi erantzuteko, diru-bilketa hasi dute dagoeneko Elizondo eta Elbeten eta ondoko egunetan etxez etxe ibiliko dira. Laguntzeko prest daudenak modu aunitz dituzte haien ekarpenak egiteko; materiala eta bonoak erosiz, ekarpen ekonomikoak eginez... horretarako eskuragarri paratu dute aroztegiagelditukodugu.eus web orrian 'Lagundu' atala, informazio gehiagorekin.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun