Behi-aziendak BB seinalearekin (Baztan Bailara) markatzeko ardura izan zuen Aitor Bazterrika mendizainak. Berak aipatutakoaren arabera, ekaineko lehen egunean 400 bat behi azienda sartu ziren Erdizen eta horietatik 80 inguru markatu zituzten. Belaten, berriz, 160 sartu ziren eta ehun markatu zituzten. Bertze aziendek plastikozko marka izaten dute, joare ondoan. Datozen egunetan behi-azienda gehiago sartuko dira, denera 500 inguruk pasatuko dute uda Erdizen eta 200ek Belaten.