12 bikote osatu dituzte gizonezkoen kategorian guztira, kanporaketa saioan lehiatuko direnak finalera ailegatzeko. Julen Kañamares bikotearekin batera, bertan parte hartuko du Xabi Urrutia arraioztarrak. Hauek dira parte hartuko duten gizonezkoen bikote guztiak:
- Andoni Iruretagoiena Izeta VI.a - Jexuxmari Iruretagoiena Izeta III.a
- Beñat Amade - Aritz Irazabal
- Jagoba Otaegi - Luis Txapartegi
- Iñaki Errazkin - Aratz Mugertza
- Kepa Peñagarikano - Gorka Etxeberria
- Oussman Drame - Mikel Agirre
- Dani España - Julio Jimenez
- Jon Unanue Goenatxo III.a - Mikel Larrañaga
- Jon Gisasola Zelai V.a - Ioritz Gisasola Zelai IV.a
- Xabi Urrutia - Julen Kañamares
- Aitzol Atutxa - Inhar Urruzono
- Tubi Bustinza - Jokin Eizmendi
Pandemia egoera dela-eta, publikorik gabeko saioa izanen da, baina probaz betea: harriarekin 20 altxaldi egin beharko dituzte (bietako batek guttienez zortzi altxaldi); giza proban bi plaza egin beharko dituzte, bakoitzak bana; aizkoran bi kanaerdiko ebaki beharko dituzte (bietako batek guttienez erdi bakoitzeko 15 kolpe); txingekin sei plaza egin beharko dituzte, bakoitzak hiruna eta lasterka bi kilometro egin beharko dituzte (bietako batek guttienez zortzi buelta). Sei bikote sailkatuko dira finalera.
Emakumezkoen kategorian, berriz, hiru bikote izanen dira lehian aurtengo pentatloian:
- Karmele Gisasola Zelai III.a - Uxue Ansorregi
- Garazi Arruti - Lucia Orbe
- Claudia Lucia Muñoz - Julia Martinez
Finala ekainaren 20an
Finala ere Tolosako zezen plazan eginen dute, eta hau da partaideek egin beharko duten lana: Harriarekin 40 altxaldi (bietako batek guttienez 16 altxaldi); giza proban lau plaza egin beharko dituzte, bakoitzak bina; aizkoran lau kanaerdiko ebaki beharko dituzte (bietako batek guttienez erdi bakoitzeko 15 kolpe); txingekin zortzi plaza egin beharko dituzte, bakoitzak launa eta lasterka lau kilometro egin beharko dituzte (bietako batek guttienez 16 buelta). ETBen emanen dituzte kanporaketa eta finala.