Baztandarra txirrindulari taldea bikain dabile azken boladan. Izkuen eta Aiegin bikain ibili ondoren, Unax Eraso eta Iban Villoria (Ermitagaña) iruritarrak eta Eneit Bertiz sunbildarra kadete mailan eta Odei Aleman iruritarra jubenil mailan Nafarroako selekzionarekin aritu dira asteburu honetan Eldako (Alacant) Superprestigio proban. Bertiz seigarren, Eraso hamaseigarren eta Villoria hogeita bigarren izan ziren kadete mailan eta Aleman hogeita bigarren jubenil mailan.
Neska-mutikoak ikasten
Bertzalde, eskola arteko probetan (mendi bizikletarekin nahiz errepidean) ere neska-mutiko kuadrila ederra dabil eta disfrutatzeaz eta ikasteaz gain, postu onak lortzen ari dira.
Azkenik, Iñaki Irazoki elizondarrak hirugarren postua lortu zuen Iturmendin Nafarroko elite mailan burutu zen errepideko proban.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.