«Aroztegiko pelotazo urbanistikoa Lekarozko herria suntsitu eta Baztan osoko bizimodua baldintzatuko lukeen proiektu txikitzailea» delako, Aroztak herri ekimenak deituta, larunbat arratsaldean izugarrizko jendetza ibili da Elizondotik Lekarozera egin duten manifestazioan Aroztegiko makroproiektua gelditzea eskatzeko, «2.500 pertsona inguru» antolatzaileen erranetan.
Martxoaren 18an hasi ziren luxuzko hotela, 22 hektareako golf zelaia eta 228 etxebizitza turistiko egiteko lanak. Geroztik, Aroztegiko eremuetan hasitako lanak gelditu eta, apirilaren 23an, TEX enpresak bere makinak eraman zituen. Orain, auzitegietan aurkeztutako helegiteei buruz Nafarroako Justizia Auzitegi Nagusiak bere ebazpenak argitaratu bitartean, jendetza bildu da proiektua gelditzea eskatzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
