Lekarozko Aroztegia proiektuaz

Aroztegiko proiektuaren kontrako bizikleta martxaren ibilbidea ezagutzera eman dute

Maiatzaren 15ean Elizondon eginen den manifestaziora joateko, Iruñerriko Aroztek bizikleta martxa antolatu dute Iruñetik Elizondora, Leitzatik pasatzen. Ibilbidea aitzineko egunean hasiko da, ortziralean 15:30ean.

Bizikleta martxaren lehenbiziko etapa maiatzaren 14an izanen da, 48,5 kilometroko ibilbidea:

  • 15:30ean Iruñetik (Nafarroako Gobernuak Karlos III etorbidean duen egoitza nagusitik) irteera
  • 16:30ean Berriozarren
  • 17:20ean Erizen
  • 17:50ean Irurtzunen
  • 19:30ean Lekunberrin
  • 20:30ean Leitzan
  • 21:00etan Leitzan afaria eginen dute (5 euroren truke)

Bigarren etapa maiatzaren 15ean izanen da, 42,4 kilometroko ibilbidea:

  • 09:00etan gosaria eginen dute (5 euroren truke)
  • 10:30ean Leitzatik abiatuko dira
  • 11:30ean Ezkurran
  • 12:00etan Zubietan
  • 12:30ean Donezteben atseden eginen dute
  • 13:00etan Doneztebetik irteera
  • 13:30ean Oronozen
  • 14:00etan Elizondora iritsiera
  • 14:30ean Elizondon bazkaria eginen dute (5 euroren truke)

Martxako parte hartzaileak Elizondon eginen den mobilizaziora batuko dira 17:30ean Elizondoko plazan.

Interesatuek kanpin denda, lo-zakua eta esterila eraman beharko dute. Izena emateko 601 117 748 telefono zenbakia eta irunerrikoaroztak@gmail.com helbide elektronikoa jarri dituzte eskuragarri. Gainera, Elizondotik autobusean itzultzeko aukera izanen dute interesdunek 5 euroren truke. Izena emateko epea asteazkenean 20:00etan akituko da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun