Baztandarra txirrindularitza elkarteko kadete eta jubenilak denboraldi arrakastatsua egiten ari dira mendi bizikletan. Orain artean burutu diren probetan aitzineko postuetan ibili dira, eta horrek saria ekarri die. Izan ere, Nafarroako selekzioaren deia jaso dute bi kadetek (Unax Eraso iruritarrak eta Eneit Bertiz sunbildarrak) eta jubenil batek (Hodei Aleman iruritarra) apirilaren 25ean Tibin (Alacant) jokatu behar den Superprestigio proban parte hartzeko.
80 haur entrenamenduetan
Honetaz gain Baztandarra Txirrindularitza Elkarteko eskola duela hilabete bat hasi zen entrenamenduekin eta bertan 80 haur inguruk parte hartzen dute. Baztandarra taldeko kadete, jubenilak eta Ivan Villoria iruritarra (Ermitagaña) izaten dira haurrei erakusten laguntzen.