Irun eta Iruñea lotzen dituen errepide honetako lehenbiziko radarra izan zen Almandozkoa, 2011an paratu zutena. Geroztik, Nafarroan multa gehien jarri duten radarretako bat izan da, Leitzarango autobian dagoenarekin batera. 2016an 17.317 multa jarri zituen radarrak, 2017an 13.431, 2018an 6.728 (errepidea itxita egon zen tunelen egokitzearengatik) eta 2019an 75 bertzerik ez dira izan. Geroztik, ez du multa gehiagorik paratu azken urtean radarrak.
N-121-A
Nafarroan istripu gehien izaten dituen errepidea da N-121-A, batez bertze 125 izaten baitira bertan urtean, 3-4 hildakorekin. Bi radar berri paratu dituzte azken aldian errepide honetan; Arraizko Bentan eta Etxalarko Benta eta Lesaka artean. Nafarroan radar gehien dituen errepidea da orain.