Taupada ekimenaren aurtengo bigarren saioa eginen dute Elizondon

Ortziral honetan, apirilaren 9an, emakume gazteen ahalduntzerako antolaturiko egitasmoaren bigarren saioa eginen dute Arizkunenea kultur etxean Elizondon, 16:00etatik 19:00etara.

Nafarroako Berdintasunerako Institutuak Baztango Udalaren laguntzarekin antolatu duen tailerraren bigarren edizioa da aurtengoa. Martxoaren 5ean izan zuten lehenbiziko hitzordua eta guztira 23 emakumezko bildu ziren.  Ortziral hontako talde haundia denez, bi taldetan banatzea aurreikusi dute (iaz ere parte hartu zutenak eta aurten hasi direnak).

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun