Baztango Gazte Asanbladak ohar bidez jakinarazi duenez, «eraso hau bere testuinguruan ulertu beharra dago. Covid-19ak eragindako krisi soziosanitarioan ikusi dugun bezala, eskuin muturra inpunitate osoz hasi karriketan. Eraso hori inpunitate horren bertze adibide bat dugu. Faxismoak, egitura burgesen laguntza eta babes osoarekin, karrikak bereganatu nahi ditu».
Erasoa «Baztango Herri Mugimendu osoaren kontrako erasoa» dela dio gazte asanbladak, «denok erabiltzen dugun eta denona den espazioari eraso diotelako». Hori horrela, «argi» utzi nahi izan dute «eraso guztien gainetik etorkizuneko Baztan antifaxista eraikitzen jarraituko dugula». Eta horrekin batera, «Baztango gazteriari antolakuntza eta borrokara batzeko» deia egin diete, «hau delako faxismoari aurre egiteko bide bakarra».
Erasoak gaitzesteko atzo arratsaldean elkarretaratzea egin zuten Elizondoko Merkatu Plazan.