Paz de Ziganda abesbatzak kontzertua eskainiko du larunbatean Iruritan

Ttipi-Ttapa 2021ko mar. 18a, 11:00
Edukiera mugatua izanen da eta antolatzaileen jarraibideak segitu beharko dira.

Paz de Ziganda helduen abesbatzak martxoaren 20an, larunbatean, 19:00etan kontzertua eskainiko du Iruritako elizan. 

Paz de Ziganda abesbatzaren sorrera

Paz de Ziganda helduen abesbatza 2010ean izen bereko Ikastolako zenbait gurasoren ekimenez sortu zen. Hasieratik, Mari Paz Arizkun izan da zuzendaria. Lehenbiziko kontzertua, 2010eko ekainean eman zuten Ikastolak antolatu zuen Nafarroa Oinezen aitzineko egitarauaren barruan. Abesbatzak beti egin du Elkartasunaren aldeko apustua eta hainbat ekimen solidariotan parte hartu du. 2015eko abenduan, Santo Domingo de la Calzadako Eguberrietako Kanten lehiaketako lehenbiziko saria lortu zuen eta, 2016ko apirilean, Atarrabiako III. Kantu Festa irabazi zuen. Abesbatza 50 kidek osatzen dute, gehienak, ikastetxeko guraso eta irakasleak. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun