«Gogoz eta ilusioz beterik gaude, indarrarekin» horrela iragarri dute aurtengo Arizkun Rock edizioa ekainaren 19an izanen dela. Antolatzaileen hitzetan, jaialdia «ez da ohiko moduan eginen, bertze mota bateko jaialdia izanen da». Hala ere, «goxotasunez eta mimoz prestatutako edizio bat» izanen dela ziurtatu dute.
Azkenik, Arizkun Rockeko antolatzaileek bideoa aitzinerat ateratzen lagundu duten guztiak eskertu nahi izan dituzte, eta «bereziki Jon, Ines, Asier eta Jon Maiari».