Miren Gorrotxategiren solasaldiarekin abiatu da (H)ilbeltza berezia Baztanen

Aurtengoa ez da ohiko (H)ilbeltza izanen Baztanen. Pandemia egoerak baldintzatuta, urte osoan antolatuko dituzte ekitaldiak. Horietatik lehena otsailaren 25ean egin zuten. Arizkunenea Kultur Etxeko ganbaran Miren Gorrotxategi idazlea aritu zen solasean, 2019ko (H)ilbeltza beka irabazi eta berriki argitaratu den ‘Sotoan gordeak’ liburuari buruz.

Hilabetero zerbait antolatzeko asmoa

Datozen hilabeteetarako ere zenbait ekitaldi antolatu ditu (H)ilbeltzak. Martxoan, Hasier Etxeberria zenaren liburuak hartuko dituzte hizpide, klasikoetatik pixkat aldendu direla onartu du antolatzaileak.

Apirilaren 23an, itzulitako liburu bat izanen da protagonista: 'Erabili goldea hilen hezurren gainetik'. Amaia Apalauza iruindarra izan da lan honen itzultzailea, eta berak eskainiko du hitzaldia.

Maiatzean eta ekainean 'itzuli beltza' eginen dute, igandetan egin ohi zena. Oraindik ez dute guztiz lotuta ekintza hau, baina bi asteburutan eginen dute. Herriz herri, istorio eta kontakizunen bat kontatzea da asmoa. Irailera begira, mahainguru bat antolatzea pentsadu dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun