Osasuna osotasunean aztertzeko jardunaldiak izanen dituzte otsailean Elizondon. Heldu den ortzegunean, otsailaren 12an, abiatuko dira Arturo Vinuesa medikuaren Xertoa zu zeorre zara solasaldiarekin. 18:00etan dute hitzordua Arizkunenea kultur etxeko goitiko solairuan.
Otsailaren 19an, ordu eta toki berean, biologia molekularrean doktore den Asier Galanekin Oinarri zientifikoak biomedizinan goiburupean bilduko dira.
Biharamunean, 11:00etan, Nekane Jurado ekonomilariak gaurko egoeraren gakoa izanen ditu solasgai. Azkenik, zikloa borobiltzeko, Asier Arregi ingeniari agronomoa eta geobiologoa 5Gaz, osasunaz eta elektromagnetismoaz ariko da. Hondarreko saio hori otsailaren 26an izanen da.