Zuzen bidean, otsailaren 5ean eta 6an ospatuko lituzkete inauteriak Zigan. Aitzitik, egoerak behartuta bertan behera gelditu dira. Hala ere, etxeko balkoi eta leihoak inauterietako osagarriekin apaintzera gonbidatu dituzte herritarrak: blusak, koloretako oihal zatiak, globoak, mozorroak… balkoietatik zintzilikatuz, iaz Baztandarren Biltzarrerako, herriko bestetarako edo Euskaraldirako egin zuten moduan.
Zigatik aipatu dutenez, «inauteriek berea dute kolorea eta umorea! Aurtengoan, beraz, kolorea etxeek hartuko dute eta umorea norberak mantendu beharko du, gauden egoerari aitzin egiteko». Argazkiak azken urteetakoak dira, besta polit honen oroigarri gisa. Argazkietan elkarteko gosaria, etxez etxeko ibilbidea eta frontoiko dantzaldia ageri dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.