Txapelketako lehen norgehiagoka ilbeltzaren 30ean, larunbatean 17:00etan hasiko den jaialdiko bigarren partidan jokatuko dute Ibarguren eta Del Riok. Partida honen irabazleak Gaubeka gaur egungo txapelduna izanen du esperoan final laurdenean. Otsailaren 5ean jokatuko da bigarren partida hau, baita Fusto eta Urrutiaren artekoa. Otsailaren 13an sartuko da jokoan Xabi Ibargarai eta Gordon izanen du arerio. Aitzinetik, egun berean, Necol eta Ibai Perez izanen dira aurrez aurre Bizkaia frontoian.
Final laurdenetako irabazleek finalerdietako ligaxka otsailaren 20an, 27an eta martxoaren 6an jokatuko dute eta final handia eta hirugarren eta laugarren postua erabakitzeko lehia martxoaren 13an.