'Klaustrofilia' erakusketa otsailaren 13ra arte ikusgai izanen da Arizkunenean

Centro Huartek antolatuta, arte garaikidea Nafarroan zabaltzeko Uholdeak erakusketa programaren barne, Klaustrofilia erakusketaz gozatzeko aukera izanen dute ilbeltzaren 19tik, heldu den asteartetik, otsailaren 13ra bitarte Elizondoko Arizkunenea kultur etxean, astelehenetik larunbatera 17:30etik 19:30era.

Erakusketa astelehenetik larunbatera bisitatu ahal izanen da eta artistei edo lanei buruzko informazio gehiago nahi dutenek www.centrohuarte.es atarian izanen dute eskuragarri. Klaustrofilia erakusketa Iranzu Antona, Josu Zapata, Victor Masferrer, Mirari Etxabarri, Ines Aubert eta Txuspo Poyo artistek osatu dute.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun