'Musikoterapia haurdunaldian' tailerra eskainiko dute ortziraletan Elizondon

Tailerra bizi dugun egoerara egokituz gauzatuko da, higiene eta babes neurri zorrotzak betez.

Izen-ematea haizealoira@gmail.com helbidera idatziz edo 655 74 76 95 telefonora deituz egin daiteke eta epea urtarrilaren 14an bukatzen da.

Haizea Loiraren eskutik urtarrilaren 15etik martxoaren 12ra ortziralero 10:00etatik 11:30era Arizkuneneko dantza gelan Musikoterapia haurdunaldian tailerra eskainiko da.

Tailer honetan, haurdunaldiaren bizipena osotasun batean eta era kontzienteago batean bizitzea bultzatzen da, arlo fisikoari, psikologikoari, emozionalari, sozialari eta espiritualari arreta eskainiz. Helburu nagusiak amaren ongizatea handitzea, haurraren garapenean laguntzea eta bien arteko lotura sendotzea dira, beti ere musika tresna gisa baliatuz.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun