Gaurgero «plana idazteko esleipen-prozedura abiatu du eta Nafarroako Gobernuaren kontratazio atarian xehetasunak ikusten ahal dira». Iragarri duenez «eskaintzak ilbeltzaren 30a artio aurkezten ahal dira eta proiektuak Nafarroako Gobernuaren dirulaguntza du».
Aurkeztutako planak «herriguneak aztertu beharko ditu eta hiri-inguruneetako bizitegiak, komertzioak dotazioak eta eremu publikoak berroneratzeko proposamen arauemaile eta urbanistikoa egin beharko du». Idazketa lana «20 hilabetez luzatuko da» eta ondotik «bailarako herriguneak lehentasunez berroneratzeko ingurune izendatuko dira, zaharberritzeak errazteko laguntza publikoak handitzea ekarriko duena».