Egoera ekonomiko zaurgarrian dauden familiak laguntzeko jostailu bilketa solidarioa egin zuen Baztango Gizarte Zerbitzuak abenduaren 14tik abenduaren 18ra. Herritar anitzek erantzun zioten deiari eta, Iratxe Perez hezitzaileak adierazi duenez, «guztiz arrakastatsua izan da. Jende aunitzek ekarri ditu jostailuak, egoera hagitz onean gainera». Jostailuak eta objektuak desinfektatu ondotik, Arizkunenean bildu dituzte eta dagoeneko prest daude heldu den astelehenean, egoera ekonomiko zaurgarrian dauden 40 familia ingururen artean banatzeko.
Jostailu bilketan herritarrek aldetik izan den parte-hartzea eta elkartasuna eskertu nahi izan ditu Gizarte Zerbitzuko lantaldeak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun