Baztango Gazte Asanblada bigarren eskuko arropak eta objektuak biltzen aritu da azken aldian. Ondotik, jendeak musu-truk emandakoa behar duenei eskuragarri paratzeko, truke azokak antolatu zituen. Joan den igandean, abenduaren 6an, egin zuen lehenbizikoa Elizondon. Antolatzaileetako batek kontatu digunez, «balorazio positiboa» egin dute, «eguraldiak lagundu ez bazuen ere, agertu zirenek gauza dezente hartu zituzten eta». Hurrengo azoka Erratzun izanen da, igandean, eta ordurako «eguraldia hobea» espero dute.