Trikidantz taldeak plazaratu berri duen Bizitzaz goxatu diskoaren aurkezpena eginen du abenduaren 3an eta 4an. Ortzegunean, 18:00etan, Elizondoko Arizkunenea kultur etxean dute hitzordua eta ortziralean, 17:30ean Doneztebeko zineman izanen dira (sarrerak 641 58 99 08 telefonora deituz gorde daitezke).
Diskoa ez ezik, taldearen produktuak biltzen dituen bi sorta zozketatuko ditu TTIPI-TTAPAk MEKNA duten harpidedunen artean. Irakurleek ERRAN.EUS atarian eman dezakete izena azaroaren 26tik abenduaren 11ra bitarte. Irabazleak abenduaren 14an jakinaraziko dira.