Baztango Geroa Baik jakitera eman duenez, obrari esker erraztu egiten da barrideen eguneroko joan-etorria, hemendik aitzinera errepidera bide horretatik zuzenean ateratzeko aukera izanen baitute herritik pasatu beharrik gabe.
Geroa Baik azpimarratu du obra egin baino lehen bide hori arras egoera txarrean zegoela eta ezin zela edozein auto pasatu. «Maiz, bide horretan ibili behar zutenek, zuloren batean sartu eta autoen azpietan kalteak eta ezbeharrak izan dituzte». Obrek iraun duten bitartean barrideek izan duten «pazientzia» eta «enpresaren lan ona» azpimarratu du Geroa Baik.