Kirol-jardueretan izena emateko prozedura:
- Jarduerak egunka eta erreserba bidez eskainiko dira, hau da, erabiltzaileak eguneko klasea erreserbatuko du aldi oro.
- Erreserbak www.giltxaurdi.eus webaren bidez eginen dira edo telefonoz.
- Erabiltzaileak izena eman dezake edozein kirol-jardueran.
- Erreserbak gehienez 7 egun lehenago eta gutxienez 24 ordu lehenago egin beharko dira.
- Erreserba bat deuseztatzeko, 48 ordu lehenago abisatu beharko da.
- Erabiltzaile bakoitzak erreserbatzen ahal ditu saioak inolako gutxienekorik gabe hilabetean.
- Erabiltzaile bakoitzak erreserbatzen ahal ditu egunean saio bat gehienez, astean bi saio gehienez eta hilabetean 8 saio gehienez.
- Norbaitek gehienezko saio kopurua baino saio gehiago erreserbatu nahi badu, 24 ordu lehenago taldean tokia izanez gero erreserba egin dezake.
- Erreserba egiten duen pertsonak, erreserbatutako saioak ordainduko ditu.
- Erabiltzaileak erreserba bat bertan behera utz dezake inolako kosturik gabe erreserba ordua baino 48 ordu lehenago abisatzen badu (telefonoz edo emailez). Ez badu abisatzen, sesioa kobratuko zaio.
- Erreserbatu diren saioak asteka ordainduko dira kontu-helbideratze bidez.
Helduendako ikastaroen prezioa:
- Giltxaurdi kiroldegian urteko abonamendua dutenek saio bakoitzeko 5 euro, eta abonamendua ez dutenek saio bakoitzeko 10 euro.
Haurrendako ikastaroen prezioa:
- Giltxaurdi kiroldegian urteko abonamendua dutenek, saio bakoitzeko 4 euro, eta abonamendua ez dutenek saio bakoitzeko 8 euro.
OHARRAK:
- Saioa aitzinerat ateratzeko, taldea osatua egon beharko da ( 5 lagun ). Taldea osatzen ez bada, Giltxaurdi kiroldegiak saioa bertan behera uzteko aukera izanen du.
- Indarrean dauden arauen arabera aldatu daiteke saioetako pertsona kopurua, eta horren ondorioz, saioen prezioa.