Izangaiak Europar Batasuneko edozein estatuko herritarra, adinez nagusia, 1966ko planeko erdi mailako titulatua, homologazio-egiaztagiria duena eta fisikoki eta psikikoki gaitua. Horrez gain, euskara jakin eta EGA titulua edo baliokidea egiaztatu beharko du (titulua aurkeztu ezean, izangaiek euskara proba bat egin beharko dute oposizioaren ariketekin hasi baino lehen).
Epeak
Deialdian parte hartzeko eskabideak aurkezteko epea azaroaren 12an akituko da eta, ondotik, Baztango Udalaren webgunean onartuen eta baztertuen behin-behineko zerrenda argitaratuko dute.
Hautaprobak
Oposizio-lehiaketa bi fasetan eginen da; lehenbizi, lehiaketaldia izanen da eta gero oposizioaldia. Lehiaketaldian, gehienez, 30 puntu lortuko dira (irakaskuntza-esperientzia eta merezimendu akademikoak ardatz hartuz). Oposizioaldian gehienez ere 70 puntu lortuko dira eta proba-praktikoa izanen da. Hautagaiak eskolako ikasle bati eskola praktiko bat eman beharko dio euskaraz.
Deialdiari buruzko xehetasun guztiak Nafarroako Aldizkari Ofizialean daude irakurgai.