Udalak guztira 101.765,46 euroko inbertsioa egingo du eta hiru zatitan banatuko du.
Lehenengo zatiak Iruritako Ezkerreko bidea zolaberritzea aurreikusten du. Kontratuaren prezioa 34.908,30 eurokoa izanen da (BEZ kanpo). Bigarren zatiak Erratzuko Azkarate bidea zolaberritzea aurreikusten du. Kontratuaren prezioa 58.885,50 eurokoa izanik (BEZ kanpo). Eta azken zatiak Elbeteko Elbetegaraia eta Elizondoko Benito Menni ospitalea elkartzen dituen bidearen zolaberritzea aurreikusten du 7.971,66 euroko inbertsioarekin (BEZ kanpo).
Udalak 5 enpresa gonbidatu zituen esleipen prozedurara, eta eskaintzak aztertu ondoren, Asfaltos y Construcciones del Baztan SAk irabazi du hiru zolaberritze lanen ardura.
Abeltzantzako azpiegiturak
Bertze aldetik, Baztango Batzarrak 2020an abeltzantzako azpiegiturak hobetzeko lanak Isidro Goñi Elorgari esleitu dizkio, 21.338,33 euro (BEZ kanpo).