Terrazen tasarik ez kobratzeko proposamena babestu du Baztango Geroa Baik

Ttipi-Ttapa 2020ko urr. 26a, 20:00
Deskargatu Info Ahotsak :
Español English Français Català Galego

Baztango Geroa Baik salatu du Gobernu Taldearen txostenak agerian uzten duela «2019an eremu publikoan terraza zuten guztiei ez zitzaiela tasa kobratu, bakarrik batzuei».

Baztango Geroa Baik ortziralean egin zen osoko bilkuran, alkatetzak terrazen tasa ez kobratzeko proposamena babestu zuen. Hala ere, bere kezka agertu zuen proposamenarekin batera aurkeztu zuen kontu-hartze txostenaren aurrean. Aditzera eman duenez, 2019an Udalak 634,66 euro kobratu zituen terrazen tasagatik.

Baztango Geroa Baik salatu zuenez, Gobernu Taldearen txostenak agerian utzi du «Udalaren arduragabekeria, berak onartutako tasak ez baititu kobratu».

«Kontuan hartuta terrazak okupatzeagatik kobratu dena, hau da, mahai bateko eta 4 aulkiko tasa 32,95 eurokoa dela, Baztan osoan 19 terraza-joko kobratu zirela ondorioztatzen da. Datu hauek errealitatetik urrun dagoen kopuru bat eskaintzen dute, denek dakigun moduan Baztanen 2019an eremu publikoan 19 terraza-joko baino gehiago jarri baitira». Baztango Geroa Baik salatu du txostenak agerian uzten duela «Udalaren arduragabekeria, berak onartutako tasak ez baititu kobratu».

Politika Baztan

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!