Nafarroako Gobernuko Lurralde Kohesiorako Departamentuak Geocontrol, SA eta PJS Proyectos, Estudios y Servicios Técnicos de Navarra, SA enpresei esleitu die N-121-A errepidean (Iruña-Behobia) dauden Belateko eta Almandozko tunelak bikoizteko proiektuaren idazketa. (SERTECNA). Esleipena 1.059.449,63 eurokoa izan da (BEZa barne).
Proiektu berri honekin Belateko eta Almandozko tunelak gaurkotu eta trafikoaren inguruko analisia egin nahi da.
Europako trafiko segurtasun gomendioen arau-haustea
2019ko urrian Nafarroako Gobernuak Belateko eta Almandozko tunelak bikoizteko erabakia hartu zuen, Europako trafiko segurtasun arauak ez betetzeagatik. Proiektu honek tuneletako segurtasuna handituko du.
Gaur egun, Belateko eta Almandozko pasarte hau, arrisku handiko tunel gisa sailkatuta daude.
Aurreikusitako egutegiaren arabera, lanak 2022an hasiko lirateke eta 2024 urte bukaerarako, edo beranduenez, 2025 urte hasierarako bi tunelen egokitzapen lanek amaituta beharko lukete.