Kukai dantzaren 'Gela jauziak' emanaldia urriaren 9an izanen da Elizondon

Ttipi-Ttapa 2020ko urr. 6a, 08:00

Urriaren 9an, Kukai Dantzaren Gela Jauziak ikusteko aukera izanen da 19:00etan Braulio Iriarte pilotalekuan. Baztango Udaleko Kultura Batzordeak antolatu du emankizuna. Errenterian sortu eta kokaturako Kukai dantza taldearen azken ikuskizuna da Gela Jauziak

Proiektu honek Kukai euskal dantza konpainia eta Cesc Gelabert koreografo ezaguna biltzeaz gain, Jon Maiaren zuzendaritzapean, taldeko dantzarien indarra eta zorroztasuna espazio irekian mantentzen ditu. Baztango Udaleko Kultura Batzordeak jakinarazi nahi du Braulio Iriarte pilotalekuko edukiera mugatua izanen dela.

Kukai dantza taldea

Jon Maia dantzari eta koreografoaren ekimenez sortu zen taldea. Euskal dantza tradizionaletik abiatuta ikuskizun garaikideak sortzen ditu, beste arte jarduera zein dantza estiloekin elkarlanak bultzatuz. Ibilbidean sari andana irabazi ditu: Dantza ikuskizun Onenari Max Saria 2017an, Dantza talde Onenari Max Saria 2015 eta 2017an, Leioako Umore azokako Ohorezko Saria.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun