Baztango kultur ikastaroetan izena emateko epea irailaren 21ean zabalduko da

Urritik aitzinera hainbat ikastaro eskainiko dituzte Elizondoko Arizkunenea kutur etxean. Astelehenean, hilaren 21ean zabalduko da izena emateko epea. Interesa dutenek 07:30etik 15:00era eman dezakete izena Arizkunenea kultur etxera, 948 58 12 79 telefonora deitu edo kultura@baztan.eus helbidera idatzi. Hiru bide hauetatik ikastaroei eta izen-emateei buruzko infomazio osoa jasotzeko aukera izanen dute.

Bakoitzaren neurrira egindako ikastaro desberdinak prestatu dituzte.  Parte-hartzaileek gaita eta atabala jotzen, brioche opilak egiten, eskulanetan trebatzen, elikadura osasuntsu, jasangarri eta arduratsua izateko etiketak irakurtzen eta menu egokiak eta orekatuak antolatzen, bizikleta moldatzen, artistak ezagutu eta artelanak sortzen, euskal jantzi tradizionala diseinatzen eta josten ikasteko aukera izanen dute.

Matrikula-arauak

Ikastaro osorako ordainketa bakarra izanen da (materialaren kostua kanpo) eta transferentzia bidez egin beharko da. Ondotik, ziurtagiria bidali beharko da (72 orduko epean). Matrikula egiterakoan ordaindutako dirua ez da itzuliko, gutieneko parte-hartzaile kopurua bildu ez denean eta ikastaroa anotlatzen ez denean salbu.

Bertzalde, ikastaroetan parte hartzen dutenek Covid-19az kutsatzeko arriskurik ez sortzeko agintariek eta Baztango Udalak ezarritako segurtasun eta higiene neurriak hartu beharko dituzte.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun