Xabier Ibargarai erratzuarrak eta Dan Necol frantziarrak irabazi dute udako Pala Tour 2020 txapelketa. Irailaren 5ean Frantziako Akitaniako Saint Geour de Marenme herriko pilotalekuan jokatutako finalean, menpean hartu zituzten Gordon eta Gaubeka, lau jokotan.
Lehenbiziko jokoa Ibargaraik eta Necolek irabazi zuten (7-10). Bigarren jokoa tanto bakarrarengatik galdu zuten (10-9), baina azkeneko bietan nagusitasunez gailendu ziren urdinak (5-10 eta 4-10), profesionalen arteko udako pala txapelketa irabaziz.