105 urterekin, Candida Jauregi Magirena da baztandarrik xaharrena. Amaiurko Salaberriko Bordan sortua (1915eko irailaren 3an), Joxe Indarekin ezkondu zenetik Arginenean bizi da. Lau seme-alaba ditu, 9 biloba eta 4 birbiloba. Duen adinerako, «osasunez ongi dago» Candida eta egunero kantu xaharrak kantari ibiltzen omen da. Irailaren 3an, 105 urteak ospatzeko, familiako batzuekin bildu zen eta «ahal delarik» denekin otordu bat egitea gustatuko litzaioke. Zorionak eta aunitz urtez! Argazkia: Ondikol