Aritzakun alderdian dagoen Sumutsuko bidea, bereziki Bidarrairat joateko erabiltzen dute inguruko baserritarrek, batez ere elurragatik Lizartzu eta Intzulegi hetsiak baldin badira. 2014ko eta 2015eko erauntsien ondotik hondatua gelditu zen eta berriki, Nafarroako Gobernuaren dirulaguntzarekin, Baztango Udalak moldatu egin du.
Abenduan eta maiatz aldean arrainek erruten dutenez, lanak gibelatu direla adierazi du Baztango Udalak ohar bidez. Egindako lanen artean, biderat eroritako lurra kendu dute eta horrekin batera, harri-lubetaren zimentazioa egiteko indusketak, harri-lubeta, zolaberritzea, drainatzeak, kunetak eta abar egin dituzte. Guztira 110.607,85 euroko inbertsioa izan da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.