Zauritutako gizonezkoaren amak emana zuen abisua Larrialdien telefonora deituta. Ageri denez, bere semea igande arratsaldeko hiruak aldera atera zen traktorearekin Zigako baserritik ganadua zaintzera. Etxera ez zela itzultzen eta, amak abisua eman eta SOS-Nafarroak koordinatuta bilaketa lanetan hasi ziren baserri inguruetan.
Goizaldeko 5ak aldera, suhiltzaileek eta Guardia Zibilaren patruila batek aurkitu dute mendian beheiti amildutako traktorea eta zaurituta zegoen gizonezkoa. Zauri eta traumatismo larriak zituenez, berehala, anbulantzia medikalizatu batean sartu eta Iruñeko Ospitalgunera eraman dute.