Uztailaren 22an egin zen ez ohiko Batzar Nagusiak ordenantza berrien hasierako onespena onartu zuen eta, batzarreko erabakiari segiz, abuztuko egun hauetan ordenantza berriaren proposamena Baztango kuarteletan aurkezten ari dira. Atzo, adibidez, Baztangoizako bilkura Amaiurren egin zen. Joan den ortziralean Elizondoakoa egin zen, bihar Erbereakoa eta etzi Basaburukoa. Gaurko egunarekin gaztelerazko saioa orokorra eginen da euskaraz ez dakiten gainerakoendako, Elizondon.
Irailaren 1ean Nafarroako Aldizkari Ofizialean ordenantza berriaren proposamena argitaratzen delarik, hilabeteko epea izanen da –lan egunak bakarrik kontuan hartuz, betiere- alegazioak aurkezteko. Hortaz, kuarteletan egiten ari diren aurkezpenek herritarrak ordurako jakinaren gainean edukitzea dute helburu, eta astiarekin proposamen berria aztertzeko aukera ematea ere bai.
Bizkitartean udaleko webgunean ordenantza herritarren eskura dago.