Deialdian parte hartu ahal izateko, gizarte hezitzaile gradua edo baliokidea izatea eskatu du Baztango Udalak, baita gidatzeko baimena eta kotxe izatea ere eta euskalduna izatea, C1 edo baliokidea duena. Titulurik ez dutenek idatzizko eta ahozko probak egin beharko dituzte. Euskara proba abuztuaren 19an izanen da udaletxean, 09:30ean.
Eskaerak, aipatu bezala, abuztuaren 7rako bidali beharko dira. Egun horretan, 14:00 baino lehen aurkeztu beharko dira Baztango Udalaren bulegoetan, aitzinetik hitzordua eskatuta. Eskaera orria eta baldintza plegua interesdunen esku egonen da Baztango Udalaren web orrialdean. Informazio gehiago nahi izanez gero, deitu 948 58 00 06 edo 689 03 50 78 telefonoetara edo idatzi gizartezerbitzua@baztan.eus helbidera.