Elizondoko ostatuek 02:00etan ateak itxiko dituzte eta, ordura arte, «argiak piztuta eta musika apal» izanen dituzte. Gainera, «kontzertu eta ikuskizunik ez dute antolatuko».
Elizondoko Herriak eta ostatuek bertze eragileei ere gauza bera eskatu diete: «ekitaldirik ez egitea pilaketarik ez izateko eta segurtasun neurriak mantendu ahal izateko». Horrela bada, «elkarteetan, etxabeetan, gaztetxean...» pilaketak saihesteko eskaera egin dute.
Egoera berezi honetan, bestarik ez dela izanen nabarmentzearekin batera, «birusaren bertze agerraldi bat galarazteko» konpromisoa hartzeko deia egin dute.