Baztango turismo bulegoan aritzeko teknikari laguntzailea behar dute

Lau hilabeteko kontratua eta malgutasuna eskainiko da.

Baztango Udaleko informazio turistikoarako bulegoan teknikari laguntzailea behar dute uztailaren 10etik azaroaren 9ra bitarte lan egiteko. Teknikariak bisitariak bideratu beharko ditu, turismo teknikari eta zinegotziarekin koordinatuz.

Lau hilabeteko kontratua eta malgutasuna eskainiko da eta eskaintzan parte hartu nahi dutenek ekainaren 30era, asteartera arte, eman dezakete izena. Udal bulegoan, hitzordua eskatuz (948 58 00 06) edo erregistro elektronikoz egin daiteke.

Goi Mailako zikloa edo Batxilergoa, B gidabaimena, C1 euskara maila eta Nafarroako Enplegu Zerbitzuan eskatzaile gisa egotea eskatu dute. Informazio gehiagorako 606 40 86 13 telefonora dei dezakete eta oinarriak www.baztan.eus atarian daude eskuragarri.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun