Osasunbideak 320.482 euro bideratuko ditu Oronozko osasun kontsulta handitu eta eraberritzeko

Ttipi-Ttapa 2020ko maiatzaren 19a

Oronozko mediku-kontsulta handitzeko eta eraberritzeko lanendako 320.482 euro jasoko ditu Baztango Udalak. Argazkia: Juan Mari Ondikol

Ia milioi bat euroko dirulaguntza eman du Nafarroa osoan, baina laguntzarik gabe gelditu dira Aranoko eta Eratsungo udalak

Osasunbideak guztira 949.492,06 euroko laguntzak eman dizkie tokiko beste hainbeste kontsultategiren jabe diren 6 udal eta kontzejuri. NAOn argitaratutako Osasunbidea-Nafarroako Osasun Zerbitzuko zuzendari gerentearen ebazpen bidez baimendutako diru-laguntzak 2020. urtean tokiko kontsultategien eta laguntzaileen eraikuntza- eta eraberritze-obrak finantzatzeko dira. Dirulaguntzarik handiena Baztango udalak jasoko du, 320.482,08 euro Oronoz-Mugairiko osasun kontsulta handitu eta eraberritzeko.

Laguntzak pasa den urtarrilean argitaratutako diru-laguntzen deialdian zehaztutako balorazio irizpideak jarraituz banatu dira, eta eskaeretan azaldutako beharrak eta aurrekontuak kontuan hartuz: Zudairen, Ameskoabarrengo Udalari (77.236,65 euro); Oronozen, Baztan (320.482,08 euro); Azagra (170.344,34 euro); Villfrnaca (91.454,82 euro); Mélida (105.635,67 euro) eta Obanos (184.338,50 euro).

Diru-laguntza eskatu bai, baina osasun-kontsultetan instalazioen hobekuntza eta egokitze-lan txikiak egiteko laguntzarik gabe gelditu dira eskualdean Aranoko udala eta Eratsungo udala.

Gizartea Baztan Oronoz-Mugairi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun